Cursu de Limba Sarda

S'Isportellu linguìsticu de s'Archìviu de Istadu de Nùgoro, paris cun s'Istitutu de Istùdios e Chircas "Camillo Bellieni" ammàniat, a comintzare dae su 22 de santandria 2018, unu cursu de Limba Sarda de 30 oras, a s'indonu. Sas letziones ant a èssere fatas in sos locales de s'Istitutu Cumprensivu "F. Podda" de Nùgoro (carrela Matteotti n. 2); su cursu est abertu a totu e si podent iscrìere fintzas a 30 partetzipantes. Est una bella oportunidade pro cantos cherent àere una connoschèntzia in prus subra de sa Limba Sarda, e ant a èssere tratados sos temas de s'istòria de sa Limba, sas normas linguìsticas e ortogràficas, s'importàntzia de insinnare sa Limba, sa promotzione culturale e linguìstica. No at a èssere trascurada mancu sa parte pràtica cun esertzìtzios de letura e de iscritura in Sardu. A s'agabada de su cursu at a èssere cunsignadu s'atestadu de frecuèntzia. Pro si pòdere iscrìere o pro àere acraramentos si depet cuntatare sa mastra, dutoressa Immacolata Salis (tzell. 3332136730).

Calendàriu de su cursu: gioja 22 de santandria (dae sas 16 a sas 19), gioja 29 de santandria (dae sas 16 a sas 19), domìniga 2 de nadale (die de aprofundimentu in Macumere in sa visita ghiada "In sos logos de Angioy" dae sas 9.30 a sas 17.30), gioja 6 de nadale (dae sas 16 a sas 19), gioja 13 de nadale (dae sas 16 a sas 19), domìniga 16 de nadale (die de aprofundimentu in sa biblioteca comunale de Macumere, cun s'abòju "L'ischis ma non l'ischis" dae sas 9.30 a sas 16.30), gioja 20 de nadale (dae sas 16 a sas 19).