Cursu de promotzione e difusione de sas atividades de s'Archìviu de Istadu de Nùgoro
Resumene de sa prima letzione (17 santuaine 2018) inue si est faeddadu de sos seguentes argumentos:
Sa nàschida de sos Archìvios in Italia; sa nàschida de s’archìviu de Istadu de Nùgoro e sa lege archivistica de su 1963; còmpitos, fainas e finalidades de su Archiviu de Istadu.
Diferèntzias intre s’Archìviu de istadu e sas Soprintendèntzias archivìsticas.
Sas castas de archìviu (de istadu, privados, parrochiales e diocesanos, de sos comunes, de sas cameras de cummèrtziu, etz.).
Sos archìvios currentes, de depòsitu e istòricos. Elementos de sa legislatzione archivìstica; sos datos sensìbiles e sensibilìssimos. Sos trastes de frunimentu (strumenti di corredo) intre de unu archìviu, comente los impitare e guida a sa consultatzione.
Esempios de atos, documentos e pabiros chi si podent imbènnere in s’archìviu (in particulare sunt bistados mustrados paritzos sommariones e àtera documentatzione cartogràfica).
Nessun commento:
Posta un commento