Archìviu de Istadu – Sala de istùdiu
|
Archìviu de Istadu – Depòsitos
|
Istitutu iscolàsticu Ferdinandu Podda
|
Bidas,
contos, istòrias, pessones: s’agat totu dae intro sos pabilos
remunidos in sos archìvios. No at importu si custos sunt grogos che
fògias de atòngiu, o innieddigados dae sa tinta de su tinteri,
issos sunt testimonia de sa vida colada. Custos e àteros pensamentos
sunt bistados contados a sos pitzinneddos de sas cuartas e de sas
cuintas de sas iscolas elementares de s'Istitutu Ferdinandu Podda de Nùgoro,
a dae intro de su progetu intituladu "S'Archìviu bìsitat
s'Iscola - S'Iscola bìsitat s'Archìviu", ammaniadu dae
s'Archìviu de Istadu de Nùgoro
e dae s'Istitutu de Chircas Camillo Bellieni de Tàtari.
Sos abòjos, comintzados su mese coladu, punnant a ispiegare a sos piseddos sas castas de
sos atos remunidos in s’Archìviu, boghende nde, mescamente a pìgiu sos tratos prus famados de sos pabilos dae sos fundos prus importantes. Sos iscolanos ant finas a fàghere abòjos ghiados in
s'Archìviu pro pòdere bìdere issos etotu sos registros e sas
cartas. Issos ant à èssere sos protagonistas de àteros tempos,
gràtzias a sos laboratòrios chi sunt istados ammaniados pro custu
progetu didàticu. Pro more de sas interbistas a sos babbos e a sas
mamas, a sos giajos e a sas giajas ant a imparare, a bellu a bellu,
s'amore pro s'istòria (e pro sas cartas) contivitzandeˑlu
ispassiendeˑsi.
Nessun commento:
Posta un commento