mercoledì 26 settembre 2018

Weekend dei musei 2018


Su weekend dei musei 2018. Pro connòschere sas siendas culturales de su territòriu nugoresu…

Sos museos de su Distritu Culturale de su Nugoresu “Atene della Sardegna” offerint, pro
agabada de ultima chida de cabidanni, unu programma ricu abberu de manifestatziones, eventos culturales, mustras, cuntzertos, bisitas ghiadas, laboratòrios pro sos piseddos, e àteras cosas de importu, chi avalorant sa grande sienda culturale de sa zona nugoresa. Tantu est importante custa mustradura culturale de su Weekend dei musei chi at acansadu su marcu de s’Annu Europeu de sa Sienda Culturale 2018 (Anno Europeo del Patrimonio Culturale del 2018). S´iscopu de custa bessida est de avalorare e fàghere connòschere su pius possìbile su patrimòniu de sapidurias, de artes e de cultura chi nos rapresentat comente identidade, dae unu livellu generale e, podimus nàrrere, europeu a unu livellu natzionale e locale, chi pertocat s´Ìsula nostra. Su slogan “il nostro patrimonio: dove il passato incontra il futuro” nos contat bene de s´importàntzia de s´eventu chi intrat a fàghere parte de sas manifestatziones contivizadas in Italia pro s´Annu Europeu de sa Sienda Culturale.
Totu sos chi ant a bisitare sos presìdios culturales e ant a leare parte a sas fainas fatas in ocasione de su Weekend dei musei ant a pòdere cundivìdere sas fotografias subra sa piattaforma instagram, e sas pius bellas ant a èssere publicadas in sos canales web ufitziales de su Distretu culturale de su Nugoresu Atene de sa Sardigna. Pro nde ischire de pius e connòschere sa lista de sitos e biddas bae a su situ de su Distretto culturale del Nuorese

Nessun commento:

Posta un commento