venerdì 21 settembre 2018

S'Archìviu nos contat s'iscola





Dae pagas dies sunt comintzadas sas iscolas e amus pensadu de bos mustrare comente fiat s'iscola in su tempus passadu, chirchende sas siendas remunidas in s'Archìviu de Istadu de Nùgoro chi nos contant peleas, istòrias, vidas e fainas de istudiantes e mastros. Su materiale remunidu est dadu dae sos registros pro sos alunnos, registros generales o pro sos iscrutìnios e sos esames, diàrios de sa classe. Atos chi nos contant de sos programmas didàticos, de sa preparatzione de sos mastros, de sas cunditziones sotziales e econòmicas de piseddas e piseddos chi, bortas meda, deviant andare, a pee o a caddu de s'àinu, in caminos e tirighinos pienos de piùghere e de ludu, pro pòdere arrivire a bidda e sighire sas letziones. Nos narant de sa vida a pustis de sa gherra, de su fàmine, de pitzocas e pitzocos chi lassaiant s'istùdiu pro andare a traballare.

Registros e diàrios nos ammustrant in cale giassu de sa bidda fiant postas sas iscolas o sas classes, nos faghent lègere sas artes e sos mestieris de sos babbos de sos pitzinnos, nos contant de sa salude insoro e puru onni mudamentu istitutzionale de su guvernu si bidet in sos pabiros.

Incarca s'iscrita a costàgiu "S'Archìviu nos contat s'iscola" e mùrica intro sa pàgina!

Nessun commento:

Posta un commento