Sant'Àrvara... A s'ispensada nos agiuat!
Sant'Àrvara. Dipintu de Palma il Vecchio (Venezia, crèsia de Santa Maria Formosa) |
Su 4 de nadale s'ammentat
Sant'Àrvara. S'istòria de custa màrtire, nàschida in
Nicomèdia in s'annu 273, la connoschimus pro more de sos documentos
agiogràficos chi nos narant chi pro àere chèrfidu sighire sa
religione cristiana est istada turmentada dae su babbu, unu paganu
cramadu Dioscoro. Si contat, finas, chi a cust'òmine malu li siat
faladu, a pustis, unu raju chi l'at fatu a chisina. Chi siat o nono
paristòria, beru est chi Sant'Àrvara est invocada contra a sa morte
a s’ispensada e pro amparare totu cuddos traballadores chi
arriscant sa propria vida onni momentu: non solu artifitzeris e
artillieris, ma fintzas minadores, architetos, muradores e vìgiles
de su fogu.
AS-NU, Prefettura, Gabinetto, cat. XXII, b. 292, fasc. 2 |
In s'Archìviu de Istadu
de Nùgoro b'at unu fascìculu (bìdere su fundu de sa Prefettura,
sèrie Gabinetto, cat. XXII, b. 292, fasc. 2) chi ammentat sas
tzelebratziones fatas dae sos vìgiles de su fogu pro custa Santa.
Difatis, in una tzirculare de su 21 de santandria de su 1946 su
Ministeru de s'Internu ammentat a s'istatzione de sos vìgiles, chi
tando fiat in “Istiritta”, chi «la ricorrenza di Santa
Barbara dovrà essere anche quest'anno ricordata nell'intimità della
caserma, con austera cerimonia». Pro s'ocasione su Ministèriu
cuntzediat ispetziales “Croci di anzianità” a cussos chi
aiant annos meda de servìtziu, e beniant fintzas perdonadas unas
cantas iscaddaduras.
In s'annu 1963 su diretore de su CONI (Comitato
Olimpico Nazionale Italiano) pro more de una signalatzione fata
dae su Ministèriu de s'Internu, at donadu a Càrminu Campagnini,
cumandante de sos Vìgiles de Nùgoro e presidente de su “Gruppo
sportivo provinciale de Vigili del fuoco”, una medàllia de
oro, coniada pro sas Olimpìades de Roma, pro s'èssere distintu in
campu agonìsticu. In custu annu matessi, sa festa de Sant'Àrvara
est istada festada dae bona parte de sa tzitadinàntzia, comente
podimus lèghere in unu artìculu publicadu in «Il giornale
d'Italia» de su 6 de nadale de su 1963: «alla cerimonia sono
intervenute tutte le maggiori autorità cittadine con a capo il
prefetto, dr. D'Urso, il sindaco Moncelsi, nonché numerose signore
ed un folto stuolo di invitati […] Dopo l'ufficio religioso
i Vigili hanno svolto una serie di esercitazioni pratiche, alcune
delle quali veramente difficili e spericolate, che hanno dimostrato
l'alto grado di preparazione del reparto. Il pubblico, che ha seguito
le manovre con il fiato sospeso, ha alla fine calorosamente
applaudito». Su giornale «La Nuova Sardegna» (de su 7 de
nadale de su 1963) contat de custos: «salti sulla pedana
elastica, manovra prima con tre scale e poi con otto scale e ganci
con scalata al castello di manovra, discesa dal castello con funi
divaricate, attraversamento del cortile con fune (esercizio che serve
alla preparazione per soccorsi su fiumi in piena e senza ponti),
salti nel telo a slitta […] a 17 e 21 metri di altezza e
infine manovre di incendio con due botti, un'autoscala, due ambulanze
ed una campagnola». Semper in su giornale, si podet lèghere
chi, custa borta, sa missa est istada fata dae don Columbu, chi at
preigadu «un elevato discorso, esaltando la dedizione dei Vigili
e felicemente accomunando l'alto senso del dovere verso la Patria con
la fede in Cristo»; pro sa tzelebratzione est istadu fatu «un
altare mobile tra due campagnole». Sunt sos pabilos etotu de
s'Archìviu a nos nàrrere chi in su 1963 sos Vìgiles de Nùgoro ant
fatu 32 interventos pro istutare fogos intro de sa tzitade e 83 in su
sartu, 27 sarbamentos de gente a dae intro de domos rutas, 30
interventos pro allagamentos, 82 agiudos a sas pessones, 125
frunimentos de abba cando est mancada, 73 sucursos istadales e àteros
21 de diferente genia.
(Figura leada dae su giassu web http://www.santalessandro.org/2015/03/santa-barbara-nella-mostra-alla-gamec-ce-anche-un-angolo-di-venezia/#prettyPhoto)
Nessun commento:
Posta un commento