Sos gosos pro sa Pasca de Nadale in sa traditzione sarda.
Compudande
in sa rica biblioteca de s'Archìviu de Istadu de Nùgoro imbenimus
unos cantos libros iscritos pro manu de su canònigu Giuanne Ispanu
(Piaghe (SS), 1803 - Casteddu 1878). Sunt sas regortas de sas poesias
e de sos càntigos populares chi custu famadu archeòlogu, reverendu,
dotzente universitàriu e òmine de sabiduria at fatu in sa meidade
de s'Otighentos. Sos primos volùmenes de sas cantones, o mèngius
"Canzoni popolari inedite in dialetto sardo logudorese"
sun istadas publicadas in Casteddu intre de su 1865 e e de su 1870. S'ùltimu
volùmene, publicadu dae s'imprenta de Alagna in su 1872, regollit
sos iscritos de autores isconnotos. Intre custos cumponimentos nd' imbenimus unu chi nos paret adatu a festare sas dies de su Santu
Nadale. Si tratat de sos gosos (o làudes) a sa Vìrgine,
cumponimentu sena autore, fatu de sestinas de otonàrios. Bos presentamus custos gosos comente cumparent in s'editzione a incuru de Salvatore Tola: G. Spano, Canzoni
popolari di Sardegna, IV, Nuoro, Ilisso, 1999, pp. 138-140.
In
custa notte sagrada
s'allegrat
dogni affliggidu
pro
chi jà hat parturidu
sa
Virgine Immaculada.
Custu
partu suspiradu
un'arcangelu
nunziesit
a
Maria chi li nesit:
«In
te su verbu incarnadu
dae
su mundu ispettadu
det
haer carre humanada».
A
s'anghelu nat Maria
«Ja
ch'est cumandu de Deu
chi
de s'humile sinu meu
nascat
de mundu sa ghia,
de
su mundu s'allegria
sia
eo puru giamada».
Lassat
sas salas reales,
sa
corte, sa monarchia
pro
servire 'e lugh'e ghia
a
totus nois mortales,
in
mesu 'e duos animales
reposat
sa prenda amada.
Li
servit sa paza e fenu
de
lettu e de reposu
pro
chi d'allegria e gosu
su
mundu siat pienu
e
tenzat reposu amenu
ogn'anima
tribulada.
Un'istalla
pro naschire
eliggit
s'infante Gesùs
pro
nos fagher bider pius
cantu
amare e lu servire
lu
depimus, e rezzire
cun
allegria sobrada.
Est
poveru e mansuetu
cus'anzone
immaculadu,
hat
totu sagrificadu
e
s'est a morte offertu,
cust'est
cun giustu decretu
re
de sa corte sagrada.
Est
custu de tale fama
chi
nd'est s'inferru turbadu,
cust'est
in sa terra nadu
restende
virgen sa mama,
est
custa sa bella drama
da
nois tant'istimada.
Inter
duos animales
est
naschidu su Segnore,
lu
visitat su pastore
e
fine dat a sos males,
cumplidos
sunt sos segnales
de
cudda zente passada.
Non
pius tristesa né dolu
tenzas
in coro, mortale,
ca
tenes giustu signale
d'allegria
e de consolu,
no
has pius disconsolu
ca
sa grassia est arrivada.
Fisti
iscrau e servidore
de
s'inimgu infernale
pro
sa disgrassia fatale
de
Adam chi su Criadore
affalzesit
cun errore
sighende
a Eva ingannada.
Allegradi
peccadore,
consoladi
tribuladu
pro
chi ja est arrivadu
su
divinu Redentore
Pienu
de sant'Amore
pro
s'anima isconsolada.
Pro
su santu naschimentu
ch'has
fattu, veru Segnore,
porta
dogni peccadore
a
veru connoschimentu
e
dali diccios'assentu
in
sa zeleste morada.
Pro
chi ja hat parturidu
sa
Virgine immaculada.
Nessun commento:
Posta un commento