Noas dae s'Archìviu de Istadu

Ripresa de s'atividade de s'Isportellu Linguìsticu

Est torrada a comintzare dae su 23 de trìulas s'atividade de s'Isportellu Linguìsticu in s'Archìviu de Istadu de Nùgoro, ammaniada dae s'Istitutu de istùdios e chircas Camillo Bellieni de Tàtari.
S'atividade de Isportellu at a èssere a dispositzione de sos impitadores comente indicadu in su calendàriu postu in sa setzione " AVISOS ". Si carchi eventu at a mudare, bos l'amus a nàrrere in tempus.
Intre sos progetos chi intendimus fàghere bos antitzipamus paritzas rubricas de importu mannu subra de s'istòria sarda lèghida in sos pabilos arribbados in s'Archìviu, unu sèberu de sos artìculos chi faeddant de limba e de cultura sarda e àteras fainas chi amus in progetu. Sighide·nos in su blog e in sa pàgina de s'Isportellu Linguisticu.